نجوى إبراهيم لمنتقديها: أنا غلبانة وعندي سرطانات وعاملة 7 آلاف عملية

ردت الإعلامية نجوى إبراهيم، على منتقديها عبر مواقع السوشيال ميديا، خلال لقائها في برنامج بيت العز المذاع على إذاعة نجوم FM.

وقالت نجوى إبراهيم: أنا أول مرة أقرأ كومنتات كتير جدًا على حاجة نزلت.

وتابعت: يا نهار أبيض على اللي اتقال، ما تروحوا يا جماعة تتعالجوا.. إنتوا عايزيني أعتزل؟ ما ضروري الواحد يعتزل هو هيقعد طول العمر يكلمكم؟ ممكن أعتزل الأسبوع اللي جاي لإني اتخنقت مش عمر آخر عمر الواحد ياخد ده كله بالراحة على نفسكم.

وأضافت: الناس بتستكر على غيرها الابتسامة وليه لازم كل الناس اللي بتضحك يبقى عندها ملايين؟ ما تقولوا الحمد لله.. يا رب أبقى زيه وباسم الله ما شاء الله، ومن شر حاسد إذا حسد، انتو إيه اللي يريحكم أعتزل؟.

وأوضحت: عندي 80 سنة وغلبانة وعيانة وعندي سرطانات وعاملة 7 آلاف عملية وهعتزل وهموت قريب، هدوا نفسكم والنبي، أنا مش جاية أربي عيالي أنا جاية فرحانة بيكم ومبسوطة وبتشرف بكلامي معاكي.. حبوا بعض شوية.